O CENTRO PARTICIPA NO PROGRAMA ERASMUS+

Autor Paula

O CENTRO PARTICIPA NO PROGRAMA ERASMUS+
Tres alumnos e unha alumna do CICLO realizan as súas prácticas en empresas en Italia, dentro do proxecto "Practicum Depo-Erasmus+"

 

Trátase de Sara Abalde Comesaña, Pablo Fontán Rodriguez, Diego Míguez Viana e Alejandro Varela Vázquez, os catro alumnos matriculados en 2º curso do ciclo medio "Conducción de actividades físico-deportivas no medio natural" e que desenvolven o módulo de Formación en Centros de Traballo no estranxeiro. Pablo, Sara e Diego comenzaron en febreiro, o primeiro na zona dos Alpes e os outros dous en Roma, e Alejandro incorporarase proximamente no mes de maio.

Neste programa fomos un dos 18 primeiros centros da provincia que comezamos a desenvolvelo. Permite que tanto alumnado do ciclo como profesorado teñan a oportunidade de realizar prácticas en países da Unión Europea.

O programa europeo "Erasmus+" ten por obxectivo que os e as participantes adquiran novos contidos relacionados coa súa profesión, coñecendo á vez a cultura do país de destino e mellorando o dominio de linguas estranxeiras, ademáis de abrirse a máis oportunidades e emprego e, en definitiva, complementar a súa preparación.

Para poder afrontar a viaxe, a Deputación de Pontevedra, a través do programa PracticumDepo-Erasmus+ outorga axudas económicas que cubren viaxe, aloxamento, manutención e transportes locais.

Desde aqui saudamos aos compañeiros que polo momento están a sacar bó proveito do proxecto e desexámolles as mellores experiencias.

Nos enlaces de abaixo podedes acceder ás novas publicadas pola Deputación de Pontevedra

https://valminortv.com/2017/04/03/estudantes-do-ies-terra-de-turonio-realizaran-as-suas-practicas-en-italia-e-portugal/

https://valminortv.com/2017/04/19/un-alumno-do-ies-terra-de-turonio-traslada-a-sua-formacion-practica-a-unha-empresa-de-italia/

Categoría: