ExpoTuronio mostra pola mañán a actividade do instituto gondomarés.

O instituto Terra de Turonio de Gondomar mostrará hoxe luns os detalles da súa actividade a través da feira ExpoTuronio, que despregará 16 casetas polas dependencias do centro e estará aberta a todos os veciños da comarca. Ao longo de toda a xornada haberá unha programación especial de Radio Turonio, que retransmitirá as actividades e que poderá seguirse desde a web do centro, con entrevistas, contidos e imaxes en directo. A feira reserva un apartado ao desastre dos incendios, titulado "A cor dous montes", no que se darán a coñecer traballos fotográficos dos alumnos e murais.